مــــدونة noma

الثلاثاء، 13 يوليو 2010

اروي احمد رجائي

أيام جميلة بتعدي وبتروح

لكن يوم7\7\2010

كان يوم مش طبيعي لانه اتولد فيه اروي بنت احمد وخوخه

ماما خوخه وبابا احمد وعمتو مريم الاموره

علشان كد انا سعيده لان خوخه الجميله جابت اجمل بنوته زي عمتها

الاثنين، 28 يونيو 2010

امبارح الموافق 27 \ 6 \2010 كان يوم من الايام
كان يوم لـــ 2 عندنا عندهم عيد ميلاد
بابا حبييبي ومحمد اخي
انا بعت رساله لــــبابا ومحمد
وانا كنت فرحانه
وكمان امبارح كان فرح اسلام اسامه اخو امير اسامه وبس

الجمعة، 25 يونيو 2010

ازيكو

ازيكو
عاملين ايه
اكيد وحشني وانا كمان وحشتكو
انا كنت فاضيه بس انا بلعب لعبه اسمها كونكر
لو لعبتها لمدة ساعه هتقعد عليها 100 ساعه مش ساعه
انا باقعد عليها شويه بس
انا لقيت لعبة تانيه اسمها سوبر كاو
بس هي لسه كانت جايه من اول امبارح وخلصتها
بجد انا بحب االلعبة ديه
الا صحيح مش انا نجحت وداخلة سنه سادسة
بس كل ما اقول لحد اني في سادسة يقول شهادة ربنا معاكي
بجد محدش يقول كدة لاني زهقت بصراحة نفسي مدخلش سادسة
بس يلا كلها 6 سنين واخلص المدرسه وبعدين ادخل هندسة
بس انا هكون معاكو كل يوم ان شاء الله
يلا سلام

الثلاثاء، 16 فبراير 2010

عيد ميلادي

انا هعمل عيد ميلادي النهاردة علشان انا اجلته زي ما قلتلكم وبعدين انا قلت مرة انا عايزة هدية كبيرة زي حببتي خديجة وطبعا انا اصلا عيد ميلادي سبعة وعشرين يناير وانا زي كل مرة هوريكو صديقاتي في الصورة الجميلة
انا مبسوطة اوي مش عشان صديقاتي لأ علشان الهداية الجميلة
بأهزر طبعا
خليكوا فاكرين
متنسوش تجيبوا هدية لمريم

الاثنين، 1 فبراير 2010

الفرحة

أنا فرحانة عشان 4 حاجات

1- عشان رفيدة جت ويوسف بقى ليه أخت يلعب معاها

2- وعشان عيد ميلادي اللي اتأجل بسبب الامتحانات

وياريت الهدايا (ومتكونش رسايل موبايل )توصلني على البريد

وطبعا باشكر خديجة عشان جابتلي عروسة جميلة

3 - وعشان فوز المنتخب المصري وحصوله على كأس أفريقيا

بمجهودات اللاعبين كلهم خاصة (جدو ) اللي خد لقب أحسن هداف

ونزلت أنا وأخويا محمد عشان نشوف الاحتفالات في الشارع

ودا احتفال الناس في بنها